Psa 15 | ZomZIV | STEP | David phatna-la khat. TOPA , na munsiangtho ah kua om thei ding ahi hiam? Na mual siangtho tungah kua teng thei ding ahi hiam?

Psalms 15

David phatna-la khat.

1 TOPA, na munsiangtho ah kua om thei ding ahi hiam? ^a
Na mual siangtho tungah kua teng thei ding ahi hiam? ^b
2 Paubaanna om lo-a kalsuante le
thumaan a nasemte, ^c
a lungsima thutak gente le ^d
3 a leii a mi gensia lote, ^e
a vengpa tungah khialhna bawl lo a,
a mipih siat nading a tun lo,
4 a gamtatsia pa simmawh a,
TOPA a kihtate lah a pahtawi zaw mi, ^f
ama nat nading nangawn ah
a kiciamna a palsat lo mi, ^g
5 a met lua-a summet khak lo mi le ^h
mawhpengte langah golhguk sang lo mite a teng thei ding uh hi.
Hih banga gamta mipa
a kiling ngei kei ding hi. ⁱ